Tölfræði

Sæti hvers liðs eftir hverja spilaða umferð - hver var í toppbaráttunni allt tímabilið og hver hrundi, umferð fyrir umferð. Röðin er sama röðunarregla og deildin greiðir eftir: H2H stig, svo FPTS, svo innbyrðis viðureignir. Þegar bil er valið sýnir "Bilið" stöðuna eins og aðeins þær umferðir hefðu verið spilaðar, en "Deildin" raunverulega stöðu deildarinnar eftir hverja umferð bilsins.

Í hverri umferð eru stig liðsins borin saman við öll hin liðin í deildinni, ekki bara þann eina andstæðing sem niðurröðunin skammtaði því - heppnin er munurinn á því sem liðið fékk í raun og því sem það hefði fengið að meðaltali gegn öllum hinum. Lið ofan skálínunnar fengu meira en þau áttu skilið, lið neðan hennar minna. Uppáhalds rifrildisefni deildarinnar, loksins svart á hvítu.

Hver reitur er ein umferð: kubbur ofarlega er sigur, kubbur neðarlega tap og strik á miðjunni jafntefli. Lengsta samfellda sigurganga liðsins er lituð græn og lengsta taphrinan rauð - jafntefli slítur hvoru tveggja, því liðið hvorki vann né tapaði þá umferð.

Úrslit hvers liðs gegn hverju öðru í völdum umferðum, frá sjónarhóli liðsins í línunni. Grænn reitur þýðir að liðið hefur unnið oftar en það tapaði, rauður hið gagnstæða og grár að jafnt sé. Auður reitur þýðir að liðin hafa ekki mæst. Í töflunni stendur hver reitur sem sigrar-jafntefli-töp. Svarar deilum um hver á hvern í eitt skipti fyrir öll.

Fjöldi umferða þar sem stjórinn valdi nákvæmlega besta löglega byrjunarliðið úr eigin hópi - stillti upp eins og vélin hefði gert eftir á, með fullkominni vitneskju - og samtals stigin sem hin völin skildu eftir á bekknum. Strangasti stjórnunarmælikvarði deildarinnar, og sá sem á flestar fullkomnar umferðir í vor má gera ráð fyrir viðurkenningu á lokahófinu.

Umferðir þar sem liðið átti frábæra umferð og tapaði samt, af því eina liðið í deildinni sem skoraði meira var einmitt andstæðingurinn þann daginn. Óheppni af skýrasta tagi - og besta afsökunin sem til er.

Umferðir þar sem liðið átti slaka umferð og vann samt, af því eina liðið í deildinni sem skoraði minna var einmitt andstæðingurinn þann daginn. Heppni af skýrasta tagi - og sigurinn sem enginn vill útskýra.

Hversu miklu meira (eða minna) en meðaltalið andstæðingar liðsins skoruðu, samanlagt yfir valdar umferðir. Jákvæð tala þýðir að niðurröðunin sendi þyngri andstæðinga á liðið en gengur og gerist - skýringin við hlið heppninnar, ekki afsökunin sjálf.

Fjöldi umferða sem liðið skoraði yfir og undir meðaltali umferðarinnar - lið sem lendir nákvæmlega á meðaltali telst hvorugt. Liðið sem er alltaf rétt undir meðaltali tapar hljóðlega, umferð eftir umferð, án þess að nokkurn tímann eiga slæma umferð.